Сярод распрацоўшчыкаў буйных расійскіх кампаній каля 16% працуюць не з Расіі. Пра гэта піша Forbes са спасылкай на платформу для пошуку ІТ-спецыялістаў «Падбор», даследчыкі якой прааналізавалі больш за 100 тысяч актыўных профіляў распрацоўшчыкаў больш як з 300 расійскіх буйных кампаній у LinkedIn.
Сярод распрацоўшчыкаў буйных расійскіх кампаній каля 16% працуюць не з Расіі. Пра гэта піша Forbes са спасылкай на платформу для пошуку ІТ-спецыялістаў «Падбор», даследчыкі якой прааналізавалі больш за 100 тысяч актыўных профіляў распрацоўшчыкаў больш як з 300 расійскіх буйных кампаній у LinkedIn.
Найпапулярнейшай краінай у тых супрацоўнікаў расійскіх кампаній, хто працуе з-за мяжы, выявілася Грузія. Як месца пражывання яна адзначаная ў 13,5% разгледжаных профіляў. Напрыклад, адтуль аддалена працуюць 44,4% айцішнікаў Rambler, 39,4% дыстанцыйных супрацоўнікаў анлайн-школы Skyeng і 31,3% — банка «Адкрыццё».
Далей паводле папулярнасці ў тых, хто працуе з-за мяжы — Арменія і Турцыя, дзе знаходзіцца каля 12% супрацоўнікаў расійскіх кампаній. Следам ідуць Казахстан (10,6%), Сербія (7%), Германія (4,2%), Ізраіль (3,6%), Вялікабрытанія (3,4%) і Тайланд (3,3%).
Лідарам паводле колькасці аддаленых супрацоўнікаў за мяжой сярод прааналізаваных кампаній выявіўся распрацоўшчык праграмнага забеспячэння WaveAccess — 43,5%. Далей ідзе Skyeng, у якой за мяжой працуе траціна штату, сотавы аператар «Білайн» — 30,4% і распрацоўшчык мабільных гульняў Playrix з офісам у Расіі — 28,6%.
У «Падборы» прызнаюць, што даныя ў профілях LinkedIn могуць не заўсёды быць карэктнымі, паколькі не ўсе мяняюць лакацыі ў сацсетках пасля пераезду. Але там таксама лічаць, што змена лакацыі пры фактычным знаходжанні ў Расіі — важны сігнал рынку, і што гэта можа казаць пра пошук працы ў новай краіне.
Таксама ў «Падборы» адзначаюць рост попыту на распрацоўшчыкаў з суседніх краін: калі да красавіка 2022 года рэкруцёры рэдка шукалі распрацоўшчыкаў у Казахстане, Арменіі, Грузіі і Турцыі, то цяпер колькасць такіх запытаў на аднаго рэкруцёра павялічваецца з кожным месяцам».
Трэнд на аддаленую працу ўзмацніўся ў 2022 годзе пасля нападу Расіі на Украіну і наступнага абвяшчэння частковай мабілізацыі. Тады многія супрацоўнікі расійскіх кампаній з’ехалі за мяжу. Паводле даных рэкрутынгавай платформы HeadHunter, толькі за адзін месяц ад 5 верасня 2022 года колькасць рэзюмэ расійцаў у Казахстане павялічылася на 65%. У стафінгавай групе ANCOR палічылі, што ў 2022-м з праблемай ад’езду персаналу сутыкнуліся тры чвэрці расійскіх кампаній.
Рэлацыраваліся? Цяпер вы можаце каментаваць без верыфікацыі акаўнта.