У Польшчы жывуць 59 тыс. беларусаў. За тры месяцы візы PBH атрымалі 10 тыс. чалавек

Звесткі дало польскае ўпраўленне ў справах іншаземцаў.

• На 30 верасня 2022 года ў Польшчы пражывала 59 327 грамадзян Беларусі (улічваюцца грамадзяне, якія атрымалі дазвол на жыхарства, ПМЖ, дазвол на доўгатэрміновае пражыванне ў ЕС або міжнародную абарону, уцекачы). 
• 29+ тыс. маюць ПМЖ, 24+ тыс. — дазвол на жыхарства.  
• З 2019 года беларусы — другая паводле колькасці група замежнікаў у Польшчы пасля ўкраінцаў. 
• З 2020 года грамадзяне РБ падалі 10 тыс. заяў на прадастаўленне міжнароднай абароны ў ЕС. Палова з іх — у Польшчы. 99,5% такіх заяў былі адобраныя. 
• Часцей за ўсё на дазвол на жыхарства падаваліся ў Мазавецкім ваяводстве (Варшава) — 24 740 заявак, на другім месцы Паморскае ваяводства (Гданьск) — 8415, на трэцім — Падляскае ваяводства (Беласток) з 8216 заяўкамі.
• У перыяд ад 10 жніўня 2020 года да 30 верасня 2022 года МЗС Польшчы выдала 39 709 гуманітарных віз і 53 514 віз па праграме Poland Business Harbour. Гэта значыць, што за тры месяцы (з канца чэрвеня, калі публікавалася апошняя статыстыка) грамадзяне РБ атрымалі больш за 10 тыс віз PBH.