А як жа Microsoft? OpenAI нечакана запартнёрылась з Google

Google Cloud забяспечыць растучыя патрэбы OpenAI у вылічальных магутнасцях для навучання і разгортвання ШІ-мадэляў, а таксама дазволіць дыверсіфікаваць вендараў.

Угода выклікае вялікае здзіўленне з той прычыны, што Gemini — чат-бот Google — прамы і адзін з галоўных канкурэнтаў ChatGPT. А OpenAI пачынае ўяўляць усё большую пагрозу для Google на пошукавым рынку і распрацоўвае замяняльнікі іншых яе прадуктаў.

Па словах крыніц выдання, угода была канчаткова ўзгоднена ў маі. Перамовы вяліся некалькі месяцаў, але ім перашкаджала шчыльная сувязь OpenAI з Microsoft.

Дэталі і ўмовы ўгоды невядомыя. Каментароў кампаніі не даюць.