Кампанія нечакана зрабіла бясплатнай праграму для малявання Fresco. Так Adobe імкнецца прыцягнуць больш мастакоў і канкураваць з папулярнымі альтэрнатывамі, такімі як Procreate і Clip Studio Paint.
Кампанія нечакана зрабіла бясплатнай праграму для малявання Fresco. Так Adobe імкнецца прыцягнуць больш мастакоў і канкураваць з папулярнымі альтэрнатывамі, такімі як Procreate і Clip Studio Paint.
Fresco стала цалкам даступная на прыладах з падтрымкай сэнсарнага экрана, уключаючы iPad, iPhone і ПК з Windows. Раней карыстальнікі маглі атрымаць доступ да абмежаванай версіі праграмы, але для выкарыстання прэміум-функцый, такіх як поўная бібліятэка шрыфтоў Adobe Fonts, пашыраны набор пэндзляў і магчымасць імпарту карыстальніцкіх пэндзляў, патрабавалася падпіска коштам $9,99 на год.
Adobe спадзяецца, што бясплатны доступ да ўсіх магчымасцяў праграмы прыцягне новых карыстальнікаў, нягледзячы на крытыку з боку творчай супольнасці што да палітыкі кампаніі. Праграмы-канкурэнты, такія як Procreate, Clip Studio Paint і Krita, папулярныя ў лічбавай арт-супольнасці дзякуючы даступнай цане, прастаце выкарыстання і падтрымцы iPad.
Procreate асабліва цэніцца за разавую куплю ($12,99) і адмову ад укаранення інструментаў генератыўнага АІ, што прыцягвае мастакоў, занепакоеных магчымым уплывам АІ. Adobe заявіла, што Fresco па-ранейшаму не ўключае ў сябе генератыўных функцый АІ, што, магчыма, таксама дапаможа прыцягнуць мастакоў, якія шукаюць альтэрнатыву Procreate.
Рэлацыраваліся? Цяпер вы можаце каментаваць без верыфікацыі акаўнта.