Айцішнік, які прыдумаў тэрмін «вайб-кодынг», ужо прасоўвае новы

Па яго словах, гэта наступны крок: калі код пішуць ужо не проста мадэлі па падказцы, а аўтаномныя ШІ-агенты. І справа не толькі ў тым, што агенты нешта робяць самі — ён падкрэслівае, што тут зліваюцца «мастацтва, навука і экспертыза» — то бок кіраваць такімі сістэмамі таксама трэба ўмець.

Карпаты кажа, што знайсці альтэрнатыўную назву з’яве, каб аддзяліць яе ад вайб-кодынгу, спрабавалі многія, але яму самому больш падабаецца агентная распрацоўка.

Як адзначае Business Insider, сам вайб-кодынг за год стаў мэйнстрымам. CEO і фаўндары стартапаў заклікаюць каманды актыўна яго выкарыстоўваць, а ў кампаніі, якія працуюць у гэтым напрамку, уліваюцца мільярды.

Напрыклад, Lovable — адзін з самых хуткарослых стартапаў Еўропы — у снежні прыцягнуў $330 млн у раўндзе B пры ацэнцы $6,6 млрд. ШІ-рэдактар кода Cursor у лістападзе аб’явіў аб раўндзе D на $2,3 млрд і паведаміў, што перавысіў $1 млрд гадавога даходу (annualized).

Сам Карпаты іранізуе, што вайб-кодынг згадваецца ў Вікіпедыі пра яго як вялікі ўклад у свет мемаў — і што нават артыкул пра гэта ўжо даўжэйшы.

Карпаты стаяў ля вытокаў OpenAI у 2015 годзе, задоўга да з’яўлення Anthropic і xAI. Потым узначальваў беспілотны напрамак у Tesla як кіраўнік па ШІ. Зараз ён працуе над Eureka Labs — праектам «новага тыпу школы, першапачаткова створанай пад ШІ».

Вайб-кодынг: праграмісты прыдумалі, як працаваць, амаль нічога не робячы

Па тэме

Вайб-кодынг: праграмісты прыдумалі, як працаваць, амаль нічога не робячы

Аўтар віруснага ШІ-агента прызнаўся, што заліп у вайб-кодынг

Па тэме

Аўтар віруснага ШІ-агента прызнаўся, што заліп у вайб-кодынг