Айцішніка, якога асудзілі за здраду дзяржаве, хочуць перавесці з калоніі ў турму

Аляксея Навагродскага затрымалі прыкладна пры канцы 2022 года пасля вяртання ў Беларусь з Германіі.

Вядома, што палітвязень некалькі гадоў жыў у Польшчы. У 2019 і 2021 гадах мужчына пісаў пра сябе, што жыве ў Германіі, займаецца штучным інтэлектам і працуе ў нямецкай кампаніі EDEKA GmbH/WITRON.

Суд над Аляксеем адбыўся ў снежні 2023 года. Яго асудзілі па артыкуле аб здрадзе дзяржаве. Палітвязень адбывае тэрмін у бабруйскай калоніі № 2.

Паводле інфармацыі праваабаронцаў, 18 снежня адбудзецца суд па замене рэжыму ўтрымання Аляксея. На рашэнне суддзі палітвязня могуць перавесці ў турму.