Албанія вярнула бязвіз для беларусаў (ну амаль). А Германія наадварот зрабіла больш жорсткай выдачу візаў
24 красавіка ўрад Албаніі абвясціў пра спыненне дзеяння пагаднення аб узаемнай адмене віз з Беларуссю. Але літаральна праз тыдзень чыноўнікі адкруцілі рашэнне назад, хоць і не цалкам. Пра гэта паведамілі ў Рэспубліканскім саюзе турыстычных арганізацый.
Бязвізавы рэжым для беларусаў, якія накіроўваюцца ў Албанію, зноў дзейнічае, але з нюансамі. Нашы суайчыннікі могуць знаходзіцца там без візы да 30 верасня. Пры гэтым тэрмін аднаразовага знаходжання не павінен перавышаць 30 дзён, а сумарна на працягу года — 90 дзён.
У маі 2024 года Албанія ўжо прыпыняла дзеянне пагаднення. Тады гэта закранула ўладальнікаў беларускіх дыпламатычных і службовых пашпартоў.
Тым часам пра важнае змяненне паведаміла на сваім сайце Амбасады Германіі ў Мінску. Так, з 1 ліпеня адменены парадак абскарджання адмоваў у выдачы нямецкай візы. У амбасадзе падкрэслілі, што працэдура апеляцыі дзейнічала на «дабраахвотнай аснове», а яе адмена дазволіць апрацоўваць больш візавых заяў і скараціць час чакання.
З указанай даты аспрэчыць адмову можна будзе толькі ў Адміністрацыйным судзе Берліна, накіраваўшы туды пазоў на нямецкай мове. У пасольстве папярэдзілі, што працэс «звязаны з судовымі выдаткамі». Мінімізаваць рызыку адмовы па візе можна, калі «падаць усе неабходныя дакументы ў поўным аб’ёме» і своечасова рэагаваць на просьбы візавага аддзела аб дадатковых дакументах. Таксама можна падаць заяву на візы зноўку.
Читать на dev.by