Amazon звальняе 18 тысяч чалавек

Скарачэнні закрануць пераважна супрацоўнікаў у рознічным бізнэсе кампаніі і спецыялістаў у працы з персаналам (у асноўным рэкруцёраў).

У сваім лісце Джэсі згадаў пра неспрыяльныя эканамічныя рэаліі і пра тое, што апошнімі гадамі рытэйлер занадта актыўна наймаў.

Пра планы кампаніі скараціць 10 тысяч супрацоўнікаў (3% штату) стала вядома ў мінулым лістападзе. Пазней з’явілася інфармацыя, што ў 2023-м Amazon працягне скарачаць, і выніковая лічба выявілася значна большай. Скарачэнні пройдуць найбліжэйшымі тыднямі.

Як піша Insider, большасць з 1,5 млн глабальнага штату Amazon — супрацоўнікі складоў. Аднак звальненні закрануць менавіта людзей на карпаратыўных пасадах.

2023 год пачала са звальненняў Salesforce: яна скароціць 10% штату — прыкладна 7 тысяч чалавек.