Распаўсюджванне ШІ прывядзе да скарачэння офіснага штату Amazon у бліжэйшыя некалькі гадоў. Пра гэта ва ўчарашняй нататцы для супрацоўнікаў напісаў генеральны дырэктар кампаніі Эндзі Джэсі.
Распаўсюджванне ШІ прывядзе да скарачэння офіснага штату Amazon у бліжэйшыя некалькі гадоў. Пра гэта ва ўчарашняй нататцы для супрацоўнікаў напісаў генеральны дырэктар кампаніі Эндзі Джэсі.
«Мы ўсё больш укараняем генератыўны ШІ і агентаў, і гэта зменіць тое, як мы працуем. Нам спатрэбіцца менш людзей для выканання некаторых сённяшніх задач, і больш людзей, якія выконваюць іншыя задачы», — сказаў ён. Агенты возьмуць на сябе рутыну і дазволяць кампаніі засяродзіцца на стратэгічна важных рэчах, напрыклад паляпшэнні кліенцкага досведу. Гэта значыць Джэсі належыць да лагеру тых, хто лічыць, што ШІ не столькі заменіць людзей, колькі зменіць фармат і змест працы.
Джэсі адзначае, што кампанія ўжывае генератыўны ШІ, каб павысіць эфектыўнасць сваёй дзейнасці і задаволенасць кліентаў. Таксама ШІ выкарыстоўваецца для аптымізацыі запасаў і прагназавання на складах, паляпшэння картак тавараў і ў чат-боце для тэхпадтрымкі кліентаў.
Па яго словах, у будучыні ў свеце будуць мільярды ШІ-агентаў — ва ўсіх кампаніях ва ўсемагчымых галінах. Таксама будуць агенты, якія выконваюць для людзей розныя дзеянні па-за працай. Ён заклікаў супрацоўнікаў актыўна цікавіцца ШІ і вучыцца карыстацца тэхналогіяй.
Па стане на канец мінулага года Amazon налічвала 1,5 млн супрацоўнікаў на поўнай і частковай занятасці. Таксама яна пры неабходнасці наймае людзей на падрад.
Рэлацыраваліся? Цяпер вы можаце каментаваць без верыфікацыі акаўнта.