Амерыканку не прапусцілі на канцэрт праз працадаўцу — спрацавала сістэма распазнання твараў

Конлан з дачкой прыехала ў горад на выходных пасля Дня падзякі. Ахова канцэртнай залы без праблем прапусціла дзяўчынку, яе сябровак і іх маці. Але калі Конлан праходзіла металадэтэктар, праз гучнагаварыцель звярнуліся да «жанчыны з доўгімі чорнымі валасамі і шэрым шалікам». Тут жа да яе падышлі супрацоўнікі залы, спыталіся яе імя і папрасілі прад’явіць дакументы. Ёй патлумачылі, што дзейнічаюць па наводцы ўсталяванай у будынку сістэмы распазнавання асоб.

У памяшканні вісіць папярэджанне пра работу сістэмы і пра тое, што яна патрэбная для бяспекі наведвальнікаў і супрацоўнікаў. Конлан адзначае, што не ўяўляла ніякай пагрозы: ахова выштурхала яе за дзверы са словамі пра тое, што яна адвакатка.

Жанчына адзначае, што ахова знала яе імя яшчэ да таго, як яна сама назвала яго. Таксама супрацоўнікі загадзя зналі кампанію, у якой яна працуе. Ёй сказалі, што з гэтай прычыны яна не можа знаходзіцца ў зале.

Арганізатарам шоу з’яўляецца медыяхолдынг MSG Entertainment. Конлан працуе партнёркай юрыдычнай фірмы Davis, Saperstein & Solomon з Нью-Джэрсі. Фірма ўжо шмат гадоў вядзе судовыя цяжбы з рэстаранам, які належыць MSG Entertainment.

Пры гэтым Конлан не практыкуе ў Нью-Ёрку і не вядзе ніякіх спраў, звязаных з медыйнай кампаніяй. У Davis абураныя тым, што ў сітуацыю была ўцягнутая тэхналогія распазнавання асоб — там лічаць гэты факт «страшным».

У MSG Entertainment заявілі, што сапраўды не дапускаюць на дзеі ў сваіх установах адвакатаў, уцягнутых у бягучыя разборы супраць кампаніі. Там сказалі, што апавясцілі аб гэтай палітыцы ўсіх адвакатаў, каго яна тычыцца — а супрацоўнікаў Davis апавясцілі наогул двойчы.

Юрыдычныя кампаніі ўжо аспрэчылі гэтую забарону ў судзе. Паводле слоў Конлан, у адным з нядаўніх рашэнняў яна была прызнаная неправамернай — уладальнікам квіткоў, які мела і Конлан, не можа быць адмоўлена ў ваходзе. Яна палічыла, што таго рашэння будзе дастаткова, каб яе прапусцілі. Але ў выніку засталася чакаць дачку на дварэ.