Амерыканскія кампаніі зафіксавалі найгоршы квартал з часоў пандэміі

Так, індэкс S&P 500 за студзень–сакавік знізіўся на 4,6% — гэта яго найбольшае падзенне з 3 квартала 2022 года. Nasdaq абрынуўся на 10,4% — гэта найгоршы вынік з 2 квартала 2022 года. Прамысловы індэкс Dow Jones Industrial Average зменшыўся на 1,3%.

Кампаніі «Цудоўнай сямёркі» — Amazon, Apple, Microsoft, Alphabet, Nvidia, Tesla і Meta — з пачатку года сумарна страцілі больш за $2 трлн рынкавай капіталізацыі.

Падзенне амерыканскіх каціровак тлумачыцца непакоем інвестараў з-за мыт, якія прэзідэнт Дональд Трамп уводзіць супраць гандлёвых партнёраў ЗША. 2 красавіка ён павінен анансаваць новыя тарыфы. Інвестары баяцца, што яны запаволяць эканамічны рост краіны і справакуюць рост цэн.

Пры гэтым індэкс Euro Stoxx 600, які ахоплівае 17 еўрапейскіх краін, за квартал вырас на 5%. Гэта яго найлепшы квартал у параўнанні з S&P з 2015 года.