Калумбійскі ўніверсітэт адхіліў ад навучання 21-гадовага студэнта па імені Чангін Лі, які стварыў ШІ-інструмент Interview Coder, што дапамагае кандыдатам падманваць на тэхнічных сумоўях. Як распавядае Business Insider, пакараны Лі быў не столькі за сам інструмент, колькі за зліў інфармацыі пра звязаны з ім дысцыплінарны працэс.
Калумбійскі ўніверсітэт адхіліў ад навучання 21-гадовага студэнта па імені Чангін Лі, які стварыў ШІ-інструмент Interview Coder, што дапамагае кандыдатам падманваць на тэхнічных сумоўях. Як распавядае Business Insider, пакараны Лі быў не столькі за сам інструмент, колькі за зліў інфармацыі пра звязаны з ім дысцыплінарны працэс.
Interview Coder — гэта «нябачны» ШІ-памочнік для адказу на тэхнічныя пытанні падчас кодынгавых сумоўяў. Інструмент каштуе $60 у месяц і, паводле распрацоўшчыка, павінен прыносіць яго стартапу каля $2 млн у год.
У снежні Лі выклаў на YouTube відэа пра тое, як карыстаецца памочнікам падчас сумоўя ў Amazon. Пасля гэтага супраць яго пачалі дысцыплінарную працэдуру.
Лі сцвярджае, што перад распрацоўкай і продажам інструмента азнаёміўся з правіламі ўніверсітэта і прадугледзеў, каб студэнты не маглі выкарыстоўваць яго на занятках. Ён падкрэслівае, што тэхнічныя сумоўі, для якіх прызначаны Interview Coder, не маюць ніякага дачынення да дзейнасці ВНУ, таму яго вельмі здзівіла, што адміністрацыя занялася гэтай справай.
На першым слуханні 17 лютага Лі пыталіся пра «гіпатэтычную» магчымасць злоўжывання інструментам у навучанні, але яно прайшло цалкам спакойна, і распрацоўшчык быў упэўнены, што сітуацыя вырашыцца сама сабой. Яшчэ да вынікаў слухання ён падаў заяўку на акадэмічны адпачынак, бо ўсё роўна не збіраўся заканчваць навучанне.
Аднак ВНУ палічыў Лі вінаватым у «садзейнічанні акадэмічнай несумленнасці» — маўляў, студэнты могуць выкарыстоўваць Interview Coder для махлярства на экзаменах, якія праходзяць на анлайн-платформе для падрыхтоўкі да сумоўяў па праграмаванні LeetCode.
Нядаўна Лі атрымаў ліст з апавяшчэннем пра адлічэнне тэрмінам на год. У якасці падставы таксама адзначана, што ён зліў аўдыязапіс слухання па ягоным ШІ-інструменце і выклаў у сацсетках фотаздымак супрацоўнікаў універсітэта, хаця падпісваў дакумент аб неразгалошванні.
Аднак сам Лі зусім не засмучаецца і плануе пераехаць у Сан-Францыска. Універсітэт ад каментароў адмовіўся.
Релоцировались? Теперь вы можете комментировать без верификации аккаунта.