Амерыканцы капіруюць свае акаўнты перад магчымай забаронай TikTok у ЗША

Triller запусціў вэб-сайт SaveMyTikToks.com, які абяцае захаваць усе вашыя відэа з TikTok, загрузіўшы іх у Triller. Сайт, які працуе на базе платформы Amplify.ai, дазваляе карыстальнікам падключаць свае акаўнты TikTok, каб даць Triller доступ да іх відэа і інфармацыі профілю.

Пасля падключэння карыстальнікі маюць увесці свой адрас электроннай пошты, каб атрымаць апавяшчэнне аб захаванні іх пастоў. Затым неабходна стварыць уліковы запіс Triller і дачакацца інструкцый аб тым, як загрузіць захаваны кантэнт.

Забарона TikTok у ЗША можа наступіць 19 студзеня 2025 года. Аднак блакаванне могуць адкласці, бо Дональд Трамп звярнуўся ў Вярхоўны суд з просьбай прыпыніць закон, бо гэта можа перашкодзіць прэзідэнту кіраваць замежнай палітыкай ЗША.