Аналітыкі панізілі рэйтынг акцый EPAM да нейтральнага, мэта — $170

Акцыі EPAM цяпер гандлююцца прыкладна па $157. З пачатку года яе каціроўкі знізіліся больш чым на 30 %, хаця дадзеныя InvestingPro паказваюць, што кампанія захоўвае добрую агульную ацэнку фінансавага здароўя.

Мэтавая (яна ж «справядлівая») цана акцый — гэта цана, вылічаная з улічваннем эканамічных фактараў, якія на яе ўплываюць (напрыклад, памер прыбытку, стан актываў кампаніі, рынкавыя перспектывы).

У лютым EPAM Systems усталявала мэтавыя паказчыкі росту даходаў на 2025 фінансавы год у дыяпазоне 10–14 % з прагназаваным арганічным ростам даходаў 0,9–4,9 %, але можа сутыкнуцца з цяжкасцямі ў іх дасягненні. Першапачатковы прагноз грунтаваўся на чаканым паляпшэнні ў другой палове года, але ў Piper Sandler цяпер сумняваюцца ў ім праз запаволенне працэсаў прыняцця рашэнняў. Паводле аналізу InvestingPro, цяпер кампанія гандлюецца ніжэй за сваю ўнутраную вартасць, а мэтавыя паказчыкі аналітыкаў вагаюцца ад $180 да $300.

У Piper Sandler мяркуюць, што прагноз даходаў EPAM можа быць перагледжаны ў бок паніжэння на 300–600 базісных пунктаў, паколькі верагоднасць аднаўлення ў другой палове года пад пытаннем. Магчымы перагляд прагнозу даходаў адыграў значную ролю ў паніжэнні рэйтынгу акцый.

У Piper Sandler лічаць, што ў цяперашніх умовах EPAM будзе складаней расці. Фірма аддае перавагу іншым кампаніям у сектары, такім як Accenture, якая лічыцца больш стабільнай, або Globant, у якой чакаецца адносна вышэйшы рост.

Карэкціроўка рэйтынгу Piper Sandler з’яўляецца важнай падзеяй для інвестараў і іншых удзельнікаў рынку, паколькі можа паўплываць на ўспрыманне рынкам дынамікі акцый EPAM у бліжэйшай перспектыве.

Тым часам нядаўна EPAM распавяла пра даходы за 4‑ы квартал, якія перавысілі чаканні аналітыкаў. Скарэктаваны прыбытак на акцыю склаў $2,84, што лепш за прагноз $2,75. Даход за квартал дасягнуў $1,25 млрд супраць прагназаваных $1,21 млрд, павялічыўшыся на 7,9 % год да года.

Японская інвестфірма Mizuho Securities карэкціравала сваю мэтавую цану акцый EPAM з $282 да $267, захаваўшы рэйтынг «вышэй за рынак». Гэта карэкціроўка адбываецца на фоне прыкмет аднаўлення попыту і запланаваных стратэгічных інвестыцый кампаніі ў новыя тэхналогіі, напрыклад у генератыўны ШІ. Амерыканская Guggenheim таксама трохі панізіла мэтавую цану з $290 да $285, але пацвердзіла рэйтынг «купляць», спаслаўшыся на пазітыўную дынаміку арганічнага росту выручкі і стратэгічныя ўкладанні. Абедзве фірмы адзначылі, што EPAM дэманструе ніжэйшую, чым чакалася, аперацыйную маржу, але лічаць гэта часовым з’явай. Усё гэта, на думку аналітыкаў, адлюстроўвае веру ў здольнасць EPAM справіцца з цяперашнімі выклікамі і скарыстацца будучымі магчымасцямі.