Дзесяткі арганізацый і незалежных распрацоўшчыкаў выступілі супраць новай палітыкі Google, якая абавяжа ўсіх стваральнікаў Android-аплікацый праходзіць цэнтралізаваную верыфікацыю, нават калі яны распаўсюджваюць свае прадукты па-за Google Play.
Дзесяткі арганізацый і незалежных распрацоўшчыкаў выступілі супраць новай палітыкі Google, якая абавяжа ўсіх стваральнікаў Android-аплікацый праходзіць цэнтралізаваную верыфікацыю, нават калі яны распаўсюджваюць свае прадукты па-за Google Play.
Аўтары адкрытага ліста заклікалі кіраўніцтва Alphabet перагледзець рашэнне і адмовіцца ад абавязковай рэгістрацыі для старонняй дыстрыбуцыі. Дакумент падпісалі 37 тэхналагічных кампаній, НКА і праваабарончых груп, уключаючы Electronic Frontier Foundation, Free Software Foundation, Article 19, F-Droid, Fastmail і Vivaldi. Ліст адрасаваны гендырэктару Google Сундару Пічаі, сузаснавальнікам Лары Пэйджу і Сяргею Брыну, а таксама кіраўніку накірунку даверу і экасістэмы аплікацый Віджаю Каза.
«Хоць мы прызнаём важнасць бяспекі платформы і абароны карыстальнікаў, Android ужо ўключае некалькі механізмаў бяспекі, якія не патрабуюць цэнтралізаванай рэгістрацыі», — гаворыцца ў звароце. На думку аўтараў, Google «гвалтоўна ўкараняе чужую мадэль бяспекі, якая супярэчыць гістарычна адкрытаму характару Android», што «пагражае інавацыям, канкурэнцыі, прыватнасці і свабодзе карыстальнікаў».
Згодна з абвешчанымі ў жніўні 2025 года правіламі, з 2026 года ўсе аплікацыі, якія ўсталёўваюцца на сертыфікаваныя прылады Android, павінны быць прывязаны да верыфікаванага акаўнта распрацоўшчыка. Для гэтага спатрэбіцца прайсці праверку асобы, загрузіць пасведчанне асобы і аплаціць разавы збор у памеры $25. Сістэма ўжо тэстуецца ў папярэднім рэжыме і стане абавязковай для ўсіх распрацоўшчыкаў з верасня 2026 года ў шэрагу краін, уключаючы Бразілію, Інданезію, Сінгапур і Тайланд. Аплікацыі неверыфікаваных аўтараў будуць блакавацца пры ўсталяванні.
Google тлумачыць новаўвядзенне неабходнасцю павысіць адказнасць і барацьбой са зламыснікамі. Аднак крытыкі лічаць, што змены выходзяць далёка за межы забеспячэння бяспекі. У лісце гаворыцца, што патрабаванне рэгістрацыі фактычна пашырае кантроль Google на староннія крамы аплікацый, карпаратыўную дыстрыбуцыю і прамую ўстаноўку файлаў.
«Гэта пашырае паўнамоцтвы Google па „брамніцтве“ за межы яе ўласнага маркетплэйса ў каналы распаўсюджвання, дзе ў яе няма легітымнай аперацыйнай ролі. Распрацоўшчыкі, якія не выкарыстоўваюць сэрвісы Google, не павінны быць вымушаны рэгістравацца і падпарадкоўвацца яе рашэнням», — лічаць аўтары ліста.
Асобную занепакоенасць выклікаюць пытанні канфідэнцыйнасці і магчымага нагляду. Абавязковая рэгістрацыя стварае цэнтралізаваную базу дадзеных усіх Android-распрацоўшчыкаў, уключаючы тых, хто працуе над адчувальнымі або прыватнымі праектамі. У лісце таксама гаворыцца пра рызыкі адвольнага прымянення правіл і блакіровак: «Адзіная кропка адмовы, кантралюемая адной карпарацыяй, супярэчыць прынцыпам здаровай і канкурэнтнай праграмнай экасістэмы».
Релоцировались? Теперь вы можете комментировать без верификации аккаунта.