Google укараняе новы інструмент абароны карыстальнікаў ад непажаданага кантэнту. У дадатку Google Messages выявы, якія сістэма распазнае як такія, што змяшчаюць галізну, цяпер будуць аўтаматычна размывацца да таго, як іх адкрые атрымальнік.
Google укараняе новы інструмент абароны карыстальнікаў ад непажаданага кантэнту. У дадатку Google Messages выявы, якія сістэма распазнае як такія, што змяшчаюць галізну, цяпер будуць аўтаматычна размывацца да таго, як іх адкрые атрымальнік.
Функцыя называецца Sensitive Content Warning і з’яўляецца часткай сістэмы SafetyCore, даступнай на прыладах з Android 9 і вышэй. Яна працуе цалкам лакальна: аналіз выяў адбываецца на самім смартфоне, дадзеныя не перадаюцца на серверы Google. Разам з папярэджаннем карыстальніку могуць прапанаваць рэсурсы і парады па абыходжанні з адчувальнымі выявамі.
Для дарослых наладка па змаўчанні адключаная, але яе можна актываваць у меню Google Messages → Protection & Safety → Manage sensitive content warnings. Для падлеткаў з уліковымі запісамі пад бацькоўскім кантролем функцыя ўключаецца аўтаматычна і можа быць зменена толькі праз дадатак Google Family Link.
Паводле слоў экспертаў, сучасныя фільтры сталі нашмат дакладнейшымі, але памылкі магчымыя. «Сённяшнія сістэмы лепш распазнаюць непажаданы кантэнт, уключаючы галізну, але яны не дасканалыя. Памежныя выпадкі — мастацкія фота, культурныя выявы ці мемы — могуць збіваць іх з толку», — адзначыў Патрык Мойніхэн, прэзідэнт Tracer Labs.
Релоцировались? Теперь вы можете комментировать без верификации аккаунта.