Angry Birds выдаляць з Google Play і пераймянуюць у App Store

У Rovio вывучылі бізнэс-кейс Angry Birds і прыйшлі да высновы, што арыгінальная гульня «негатыўна ўплывае» на актуальную лінейку гульняў кампаніі. Кам’юніці-менеджар гульні падкрэсліў, што ўздзеянне было «значным». Rovio Classics: Angry Birds не стануць выдаляць з App Store, але там гульню пераймянуюць у Red’s First Flight.

Гульня застанецца даступная карыстальнікам, якія спампуюць яе на мабільныя прылады. Rovio Classics: Angry Birds — рымейк арыгінальнай гульні, які «цалкам захоўвае дух арыгінала». У гульні няма ўбудаваных пакупак, але ёсць рэклама. Першая частка Angry Birds выйшла ў 2009 годзе. Рэліз рымейку адбыўся ў 2022 годзе.