Кампанія абнавіла памяць Claude: цяпер чат і агентны рэжым Cowork выкарыстоўваюць агульную сістэму. Дзякуючы гэтаму карыстальнікам больш не трэба будзе нанова пераказваць агенту інфармацыю, якую яны ўжо абмяркоўвалі з Claude у звычайным чаце.
Кампанія абнавіла памяць Claude: цяпер чат і агентны рэжым Cowork выкарыстоўваюць агульную сістэму. Дзякуючы гэтаму карыстальнікам больш не трэба будзе нанова пераказваць агенту інфармацыю, якую яны ўжо абмяркоўвалі з Claude у звычайным чаце.
Раней памяць двух рэжымаў у чат-боце працавала асобна. Напрыклад, карыстальнік мог некалькі дзён абмяркоўваць з Claude падрыхтоўку канферэнцыі, а потым пры пераходзе ў Cowork нанова паведамляць колькасць удзельнікаў, горад, імёны спікераў ды іншыя дэталі. Пасля абнаўлення агент зможа выкарыстоўваць гэты кантэкст аўтаматычна.
Anthropic таксама ўпершыню дае карыстальнікам прамы доступ да таго, што Claude захаваў у памяці. Запісы можна праглядаць, рэдагаваць і выдаляць па асобных тэмах.
Змяніўся і сам механізм запамінання. Раней Claude мог сумаваць інфармацыю пасля завяршэння размовы, а цяпер новыя тэмы будуць дадавацца ў памяць непасрэдна падчас зносінаў. Гэта павінна паскорыць сінхранізацыю паміж звычайным чатам і Cowork нават у бягучай размове.
Па замоўчанні Claude не будзе запамінаць адчувальныя звесткі — напрыклад, дадзеныя пра здароўе, расу і этнічную прыналежнасць, рэлігійныя і палітычныя погляды або гендарную ідэнтычнасць. Пры жаданні карыстальнік зможа ўключыць налады «улічваць адчувальныя тэмы ў памяці». У такім выпадку прыкладанне будзе асобна паведамляць пра захаванне падобных дадзеных.
Некаторыя катэгорыі інфармацыі Claude не будзе захоўваць нават пасля ўключэння гэтай опцыі. Да іх Anthropic адносіць дадзеныя дзяржаўных пасведчанняў асобы, нумары Social Security, звесткі пра судзімасці і імміграцыйны статус, а таксама інфармацыю, забароненую правіламі выкарыстання сервісу.
Абноўленая памяць уключана па замоўчанні на тарыфах Free, Pro і Max і працуе ў вэб-версіі, дэсктопным і мабільным праграмах Claude. На iOS і Android для яе з’яўлення спатрэбіцца абнавіць праграму да апошняй версіі.
Рэлацыраваліся? Цяпер вы можаце каментаваць без верыфікацыі акаўнта.
Поздно, всё уже в Hermes )