Рашэнне Anthropic маркіраваць згенераваныя Claude тэксты выклікала новы ўсплёск цікавасці да сервісаў для выдалення такіх метак. Некаторыя інструменты з’явіліся праз некалькі дзён пасля анонсу кампаніі і ўжо набралі тысячы карыстальнікаў.
Рашэнне Anthropic маркіраваць згенераваныя Claude тэксты выклікала новы ўсплёск цікавасці да сервісаў для выдалення такіх метак. Некаторыя інструменты з’явіліся праз некалькі дзён пасля анонсу кампаніі і ўжо набралі тысячы карыстальнікаў.
Business Insider паведамляе, што цікавасць да запыту «AI watermark remover» у Google Trends у ЗША за тыдзень вырасла на 60%. Адначасова з’явіліся некалькі праектаў, якія абяцаюць выдаляць або аслабляць маркіроўку ў тэкстах і файлах.
Адзін з іх — адкрыты Watermarks Remover, які запусціў французскі прадпрымальнік Гійом Мэйер. Паводле яго, першую версію ён сабраў прыкладна за пяць гадзін. Праект ужо атрымаў больш за 14 тысяч зорак на GitHub.
Інструмент выдаляе схаваныя сімвалы і метададзеныя, а потым перапісвае тэкст, каб парушыць статыстычны шаблон выбару словаў, на якім заснаваны водны знак Anthropic. Пры гэтым распрацоўшчык не гарантуе, што маркіроўка будзе выдалена цалкам.
«Я цалкам за ўказанне паходжання кантэнту. Я супраць менавіта гэтай тэхналогіі водных знакаў, і гэта важнае адрозненне», — заявіў Мэйер. Паводле яго меркавання, такі падыход занадта спрашчае пытанне аўтарства, бо адзін і той жа водны знак можа з’яўляцца як у цалкам згенераваным тэксце, так і пасля рэдагавання чалавекам напісанага матэрыялу.
Anthropic раней падкрэслівала, што яе маркіроўка не прызначана для вызначэння аўтарства. Яна толькі дазваляе ацаніць верагоднасць таго, што Claude удзельнічаў у стварэнні тэксту.
Іншы распрацоўшчык, Анш Анежа, выпусціў уласны інструмент для выдалення водных знакаў Claude у дзень анонсу функцыі. Пазней ён апублікаваў лакальную адкрытую версію пад назвай MarkScrub. Паводле яго, за першыя суткі сервісам скарысталіся 8,5 тысячы чалавек.
Эфектыўнасць гэтых рашэнняў пакуль не пацверджана незалежнымі тэстамі. Даследчык ETH Zurich Тыбо Глоаген адзначае, што ў водных знакаў у прынцыпе ёсць фундаментальнае абмежаванне: калі дастаткова моцна перапісаць тэкст, статыстычны патэрн можна разбурыць.
Юрыдычны статус такіх інструментаў у ЕС пакуль застаецца нявызначаным. Закон аб ШІ патрабуе ад пастаўшчыкоў мадэляў рабіць маркіроўку ўстойлівай да выдалення і змяненняў, але напрамую не забараняе трэцім асобам ствараць інструменты для яе выдалення.
Пры гэтым выкарыстанне такіх сервісаў для таго, каб выдаваць згенераваны ШІ тэкст за чалавечы, можа парушаць правілы Anthropic. Палітыка кампаніі забараняе прадстаўляць вынікі працы мадэлі як створаныя чалавекам.
Рэлацыраваліся? Цяпер вы можаце каментаваць без верыфікацыі акаўнта.
Интересные времена нас ждут всё же...
Объясните мне простыми словами, как работает маркировка сгенерированного текста, не понимаю. С картинками всё понятно
https://youtu.be/3FhxdhVMJoU