Anthropic запускае крэдыты да $200 у месяц для аўтаматызацыі ў Claude Code

Новыя крэдыты прызначаны для аўтаматызаваных сцэнараў. Яны будуць пакрываць выкарыстанне Claude Agent SDK у праектах на Python і TypeScript, каманду `claude -p` у неінтэрактыўным рэжыме Claude Code, інтэграцыю Claude Code з GitHub Actions, а таксама пабочныя праграмы, якія аўтарызуюцца праз падпіску Claude з дапамогай Agent SDK.

Памер крэдыту залежыць ад тарыфа. Карыстальнікі Pro атрымаюць $20 у месяц, Max 5x — $100, Max 20x — $200. Для Team Standard прадугледжана $20 на карыстальніка, для Team Premium — $100 на карыстальніка. У Enterprise умовы залежаць ад тыпу плана: $20 для usage-based і $200 для seat-based Premium seats.

Крэдыты будуць індывідуальнымі: іх нельга аб’ядноўваць, перадаваць або размяркоўваць паміж удзельнікамі каманды. Яны абнаўляюцца кожны плацёжны цыкл, але не пераносяцца на наступны месяц, калі карыстальнік іх не выкарыстаў. Атрымаць крэдыт трэба будзе адзін раз праз акаўнт Claude, пасля чаго ён будзе абнаўляцца аўтаматычна.

Калі штомесячны крэдыт скончыцца, далейшае выкарыстанне Agent SDK пройдзе на стандартныя API-тарыфы, але толькі калі карыстальнік уключыў дадатковае выкарыстанне. Калі рэжым extra usage не падключаны, запыты Agent SDK спыняцца да абнаўлення крэдыту ў наступным плацёжным цыкле.

Anthropic адзначае, што змена не закранае лімітаў звычайнай падпіскі. Інтэрактыўны Claude Code у тэрмінале або IDE, Claude Cowork і дыялогі з Claude ў вэб-, дэсктопным і мабільных дастасаваннях працягнуць выкарыстоўваць стандартныя лімітаў плана. Карыстальнікі Claude Developer Platform, якія працуюць з Agent SDK праз API-ключ, таксама не атрымаюць асобны крэдыт: для іх застанецца папярэдняя мадэль pay-as-you-go.