Google пачне выдаляць неактыўныя акаўнты ад снежня

Мера тычыцца акаўнтаў, якія былі неактыўнымі на працягу 2 гадоў. Кампанія папярэдне апавясціць карыстальнікаў, чые акаўнты падлягаюць выдаленню. Перш ніж гэта зрабіць, яна адправіць некалькі лістоў на электронную скрыню акаўнта, у таксама на рэзервовыя, калі яны прывязаныя.

Апавяшчэнні будуць слаць на працягу мінімум 8 месяцаў да выдалення. Аднак незразумела, ці ўключаныя яны ў двухгадовы перыяд неактыўнасці акаўнта. Па заканчэнні пазначанага тэрміну карыстальнік больш не зможа ўвайсці ў неактыўны Gmail-акаўнт або выкарыстоўваць яго для стварэння новага.

Каб не страціць сваіх акаўнтаў і даных, якія ў іх змяшчаюцца, карыстальнікам дастаткова раз на два гады праходзіць аўтарызацыю. Тэарэтычна, гэтага будзе дастаткова, каб выратаваць акаўнт ад выдалення, але для ўпэўненасці можна, напрыклад, адправіць або прачытаць імэйлы, спампаваць праграму ў Play Store, скарыстацца пашукавіком, паглядзець відэа на YouTube, выканаць якія-небудзь дзеянні на Google Дыску або прайсці верыфікацыю ў іншым сэрвісе праз Google.

Google цяпер будзе апытваць супрацоўнікаў, як ім працуецца, штотыдзень, а не раз на год

Па тэме

Google цяпер будзе апытваць супрацоўнікаў, як ім працуецца, штотыдзень, а не раз на год