Apple і Інданезія дасягнулі пагаднення, якое дазволіць амерыканскай кампаніі аднавіць продажы смартфонаў iPhone 16 у краіне. Гэта стала магчымым пасля таго, як Apple пагадзілася выканаць патрабаванні інданезійскага заканадаўства наконт лакалізацыі вытворчасці.
Apple і Інданезія дасягнулі пагаднення, якое дазволіць амерыканскай кампаніі аднавіць продажы смартфонаў iPhone 16 у краіне. Гэта стала магчымым пасля таго, як Apple пагадзілася выканаць патрабаванні інданезійскага заканадаўства наконт лакалізацыі вытворчасці.
Інданезія зняла забарону на продаж iPhone 16, якая дзейнічаў на працягу пяці месяцаў. Прычынай забароны было парушэнне правіла, згодна з якім смартфоны і планшэты, якія прадаюцца ў Інданезіі, павінны ўтрымліваць не менш за 40% кампанентаў мясцовай вытворчасці.
Міністр прамысловасці Інданезіі Агус Гуміванг Картасасміта заявіў, што Apple знаходзіцца ў працэсе атрымання сертыфіката адпаведнасці мясцовым патрабаванням для продажу сваіх прылад у краіне. Ён адзначыў, што перамовы з Apple былі «складанымі», але цяпер кампанія інвестуе ў стварэнне вытворчых магутнасцяў і навукова-даследчы цэнтр каля Джакарты.
Сума інвестыцый Apple у Інданезію складзе больш за $300 мільёнаў і будзе ўключаць будаўніцтва завода па вытворчасці кампанентаў для прылад Apple, уключаючы навушнікі AirPods, а таксама стварэнне навукова-даследчага цэнтра распрацоўкі праграмнага забеспячэння.
У снежні мінулага года Apple абавязалася інвеставаць $1 мільярд у свой першы завод у Інданезіі, які будзе вырабляць кампаненты для смартфонаў і іншых прылад Apple. Летась генеральны дырэктар Apple Цім Кук наведаў Інданезію і заявіў, што кампанія вывучае магчымасць арганізацыі вытворчасці ў краіне.
У трэцім квартале мінулага года Apple не ўваходзіла ў пяцёрку вядучых брэндаў смартфонаў у Інданезіі. Лідарамі рынку былі Oppo, Xiaomi, Transsion, Samsung і Vivo. Джакарта таксама забараніла продаж тэлефонаў Google Pixel ад Alphabet праз недастатковае выкарыстанне мясцовых кампанентаў.
Рэлацыраваліся? Цяпер вы можаце каментаваць без верыфікацыі акаўнта.