Apple абвясціла загадкавую прэзентацыю 30 кастрычніка

Apple пачала адпраўляць журналістам запрашэнні на мерапрыемства, якое пройдзе 30 кастрычніка. Чакаецца, што гэта будзе не традыцыйная прэзентацыя кампаніі. Мерапрыемства адбудзецца ўвечары, а не ў другой палове дня, як прынята. Трансляцыя пад назвай Scary Fast пачнецца, а 03:00 31 кастрычніка па мінскім часе.

Журналісты ўгледзелі ў слогане адсылку да рэлізу новых працэсараў Apple. Апошняе пакаленне чыпаў кампаніі — M2, чакаецца, што ў нейкі момант Apple выпусціць хутчэйшыя чыпы M3, каб павялічыць продажы Mac, якія ў другім квартале знізіліся на 7% у гадавым вылічэнні.

Раней журналіст Bloomberg Марк Гурман паведамляў, што кампанія можа паказаць абноўлены 24-цалёвы iMac, а таксама 13-, 14- і 16-цалёвыя MacBook Pro. Абедзве мадэлі сёлета яшчэ не абнаўляліся.