Першая парнаграфічная праграма для iPhone пад назвай Hot Tub стала даступная ў ЕС праз альтэрнатыўную краму праграм AltStore PAL. Закон «пра лічбавыя рынкі» ЕС дазваляе распрацоўшчыкам праграм выпускаць свае прадукты праз альтэрнатыўныя крамы.
Першая парнаграфічная праграма для iPhone пад назвай Hot Tub стала даступная ў ЕС праз альтэрнатыўную краму праграм AltStore PAL. Закон «пра лічбавыя рынкі» ЕС дазваляе распрацоўшчыкам праграм выпускаць свае прадукты праз альтэрнатыўныя крамы.
Праграма Hot Tub працуе як агрэгатар розных порнасайтаў, які абараняе карыстальнікаў ад рэкламы, трэкераў і спам-усплывальных вокнаў. Згодна з законам «пра лічбавыя рынкі» ЕС, альтэрнатыўныя крамы могуць самастойна прымаць рашэнні пра тыпы праграм, якія яны дазваляюць, уключаючы тыя, што звычайна парушаюць правілы App Store па-за межамі ЕС.
Хоць гэтыя праграмы маюць праходзіць працэс натарызацыі для адпаведнасці «асноўным стандартам цэласнасці платформы», Apple папярэджвае, што альтэрнатыўныя крамы могуць размяшчаць праграмы без рэйтынгаў, якія могуць утрымліваць кантэнт, такі як парнаграфія, наркотыкі, алкаголь, зброя і распальванне нянавісці.
Apple заявіла пра рызыкі, якія нясуць праграмы з парнаграфічным зместам, асабліва для дзяцей, і падкрэсліла, што не ўхваляе гэтай праграмы і ніколі не прапануе яе ў сваёй краме. Кампанія таксама адзначыла, што AltStore падтрымліваецца Epic Games — кампаніяй, якая судзілася з Apple у антыманапольных пытаннях.
Сумесна з запускам праграмы AltStore PAL заявіла, што ахвяруе ўсе свае даходы ад Patreon за люты арганізацыям, якія падтрымліваюць сэкс-працаўнікоў і ЛГБТК+ супольнасць. Распрацоўшчык AltStore Райлі Тэстут патлумачыў, што гэта неабходна для процідзеяння правай палітыцы, якая набірае папулярнасць у ЗША і Еўропе.
Рэлацыраваліся? Цяпер вы можаце каментаваць без верыфікацыі акаўнта.