Кампанія прыняла экстраныя меры, адправіўшы пяць грузавых самалётаў з iPhone і іншай тэхнікай з Індыі ў ЗША, каб мінімізаваць наступствы ўвядзення новых амерыканскіх пошлін.
Кампанія прыняла экстраныя меры, адправіўшы пяць грузавых самалётаў з iPhone і іншай тэхнікай з Індыі ў ЗША, каб мінімізаваць наступствы ўвядзення новых амерыканскіх пошлін.
Як піша The Times of India са спасылкай на высокапастаўленага індыйскага чыноўніка, Apple адправіла пяць самалётаў з iPhone і іншымі прыладамі з Індыі ў ЗША цягам апошніх трох дзён сакавіка. Такая паспешлівасць была выклікана ўвядзеннем новых пошлін прэзідэнтам ЗША Дональдам Трампам, якія ўступілі ў сілу на пачатку красавіка.
З 5 красавіка ЗША пачалі браць пошліну ў памеры 10% на ўсе тавары, што ўвозяцца ў краіну, а з 9 красавіка стаўка для Індыі павінна вырасці да 26%. Акрамя паставак з Індыі, Apple таксама паскорыла адпраўку прадукцыі са сваіх прадпрыемстваў у Кітаі ў сакавіку.
Мяркуецца, што дадатковыя запасы тэхнікі, дастаўленыя ў ЗША з Індыі і іншых краін, дазволяць Apple часова не павышаць кошты на сваю прадукцыю. Паводле звестак выдання, тавараў на складах Apple у ЗША павінна хапіць на некалькі месяцаў.
Дзеянні адміністрацыі Трампа і перспектыва гандлёвай вайны паўплывалі на капіталізацыю Apple. За тры гандлёвыя дні кошт кампаніі знізіўся амаль на $640 мільярдаў. Аналітыкі лічаць Apple адной з найбольш уразлівых кампаній ва ўмовах гандлёвай вайны з-за яе значнай залежнасці ад Кітая, які сутыкнуўся з пошлінамі ў памеры 54%.
Хоць Apple мае вытворчыя магутнасці ў Індыі, В’етнаме і Тайландзе, гэтыя краіны таксама падпадаюць пад дзеянне новых тарыфаў. Аналітыкі мяркуюць, што Apple, верагодна, давядзецца альбо павысіць кошты на сваю прадукцыю, альбо несці дадатковыя выдаткі, звязаныя з пошлінамі.
Аналітыкі UBS падлічылі, што кошт на самы дарагі iPhone можа вырасці прыкладна на $350, або на 30%, ад яго цяперашняга кошту ў $1199. Аналітык Barclays Тым Лонг выказаў здагадку, што Apple, хутчэй за ўсё, падвысіць кошты, інакш прыбытак на адну акцыю кампаніі можа знізіцца на 15%.
Рэлацыраваліся? Цяпер вы можаце каментаваць без верыфікацыі акаўнта.