Apple плануе выпусціць MacBook з гнуткім дысплэем

Паводле даных аналітыка Мін-Чы Куа, вытворца мае намер паставіць больш за 1 мільён прылад у 2026 годзе. Верагодна, што Apple будзе выкарыстоўваць у ноўтбуках 20-цалёвыя гнуткія панэлі. Таксама не выключаны варыянт выкарыстання дысплэяў з дыяганаллю 18,8 цалі. У складзеным выглядзе Macbook будзе роўны дысплэям ад 14 да 15 цаляў і ад 13 да 14 цаляў адпаведна.

Куа дадаў, што гнуткія панэлі вырабляе LG Display. Апаратнай асновай прылады можа стаць працэсар M5, серыйную вытворчасць партатыўных камп’ютараў можа быць запушчана пры канцы 2025 года. Раней пра складаныя MacBook пісалі і іншыя аналітыкі: Рос Янг і Марк Гурман. На думку Гурмана, гэта будзе нейкі гібрыд iPad і MacBook.