Николай Чикишев 14 снежня 2022, 10:47

Apple плануе дазволіць праграмы з іншых крам. Пакуль толькі ў ЕС

Кампанія можа дазволіць карыстальнікам усталёўваць праграмы на iPhone і iPad з іншых крам.

Паводле даных Bloomberg, новаўвядзенне звязанае з набыццём моцы закона Еўрасаюза «Пра лічбавыя рынкі». Дакумент прадугледжвае, што такія кампаніі, як Apple і Google, маюць спрасціць карыстальнікам доступ да базавых налад прылад, а таксама ўсталявання іншых праграм.

Кампаніі не абавязаныя выконваць усе патрабаванні закона да 2024 года, аднак Apple можа ўнесці неабходныя змены ўжо ў 2023 годзе ў рамках абнаўлення iOS 17. Спачатку змены закрануць толькі еўрапейскі рынак, эксперты мяркуюць, што пазней іншыя краіны таксама могуць прыняць аналагічныя законы.