Кампанія размясціла на старонках App Store папераджальныя банеры для аплікацый, што выкарыстоўваюць староннія плацежныя сістэмы. Apple паведамляе карыстальнікам, што такія транзакцыі адбываюцца ў абыход «канфідэнцыйнай і бяспечнай» плацежнай экасістэмы кампаніі.
Кампанія размясціла на старонках App Store папераджальныя банеры для аплікацый, што выкарыстоўваюць староннія плацежныя сістэмы. Apple паведамляе карыстальнікам, што такія транзакцыі адбываюцца ў абыход «канфідэнцыйнай і бяспечнай» плацежнай экасістэмы кампаніі.
Папераджальны банер змяшчае тэкст: «Гэтая праграма не падтрымлівае канфідэнцыйную і бяспечную плацежную сістэму App Store. У ёй выкарыстоўваюцца знешнія пакупкі». Банер з папераджальным сімвалам размяшчаецца ў верхняй частцы старонкі, над самімі аплікацыямі.
Раней федэральны суд ЗША абавязаў Apple дазволіць праграмам у амерыканскім App Store уключаць спасылкі і кнопкі на староннія плацежныя сістэмы без папярэдняга ўзгаднення. Гэтае рашэнне, прынятае ў межах гучнага судовага працэсу з Epic Games, таксама вызваліла распрацоўшчыкаў ад сплаты стандартнай камісіі Apple у памеры 30% за пакупкі ўнутры аплікацый. Такія кампаніі, як Spotify, Patreon і Epic Games, ужо перайшлі на альтэрнатыўныя плацежныя сістэмы, каб пазбегнуць гэтых збораў.
Хоць Apple і выканала патрабаванні суда, кампанія выказала нязгоду і падала апеляцыю. Некаторыя карыстальнікі сцвярджаюць, што папераджальныя банеры з’явіліся яшчэ да рашэння па справе Epic Games і існуюць з моманту ўвядзення альтэрнатыўных спасылак на пакупкі ўнутры аплікацый. Тым не менш банеры прыцягнулі ўвагу, бо ўсё больш праграм пераходзяць на староннія сістэмы.
Рэлацыраваліся? Цяпер вы можаце каментаваць без верыфікацыі акаўнта.