Каціроўкі Apple упалі да мінімуму за апошнія 8 тыдняў, піша Reuters. Напярэдадні ў чацвер рэйтынг «яблычных» акцый панізіў транснацыянальны амерыканскі інвестбанк Piper Sandler, а да гэтага ў аўторак — аналітыкі Barclays.
Каціроўкі Apple упалі да мінімуму за апошнія 8 тыдняў, піша Reuters. Напярэдадні ў чацвер рэйтынг «яблычных» акцый панізіў транснацыянальны амерыканскі інвестбанк Piper Sandler, а да гэтага ў аўторак — аналітыкі Barclays.
Усяго за першы тыдзень новага года рынкавая капіталізацыя Apple паменшылася прыкладна на $170 млрд. Учора яе каштоўныя паперы патаннелі да $181,6 за штуку.
Тым не менш цяпер Apple каштуе больш за $2,8 трлн і застаецца самай дарагой кампаніяй свету. Яе капіталізацыя толькі на 8% ніжэйшая за максімальныя значэнні, зафіксаваныя ў сярэдзіне снежня. Таксама яшчэ каля трох дзясяткаў аналітыкаў захоўваюць рэйтынг акцый Apple на ўзроўні «купляць», а ў сярэднім мэтавая цана знаходзіцца на ўзроўні $200. Barclays настроены куды песімістычней і арыентуецца на $160, а рэйтынг апусціў да «прадаваць».
Piper Sandler панізіў прагнозы з $220 да $205, спаслаўшыся на складскія запасы iPhone і сумневы ў паспяховых продажах смартфона, а таксама макраэканамічную абстаноўку ў Кітаі, якая пагаршаецца. Акрамя таго, там расце канкурэнцыя з боку Huawei, а ў ЗША паўсталі праблемы са смарт-гадзіннікам Apple Watch.
Рэлацыраваліся? Цяпер вы можаце каментаваць без верыфікацыі акаўнта.
Ну ничего страшного