Кампанія выпусціла абнаўленне Xcode 26.3 з падтрымкай агентнага праграмавання. У новай версіі асяроддзя распрацоўкі распрацоўшчыкі змогуць падключаць ШІ-агентаў, уключаючы Claude Agent ад Anthropic і Codex ад OpenAI.
Кампанія выпусціла абнаўленне Xcode 26.3 з падтрымкай агентнага праграмавання. У новай версіі асяроддзя распрацоўкі распрацоўшчыкі змогуць падключаць ШІ-агентаў, уключаючы Claude Agent ад Anthropic і Codex ад OpenAI.
Абнаўленне развівае магчымасці Xcode 26, прадстаўленага ў мінулым годзе, з інтэграцыяй ChatGPT і Claude. Цяпер гаворка ідзе пра наступны этап: мадэлі атрымліваюць доступ да інструментаў асяроддзя і могуць аўтаматызаваць больш складаныя працэсы распрацоўкі.
На старце агенты змогуць вывучаць праект і яго метаданыя, збіраць аплікацыі, правяраць іх на памылкі і выпраўляць знойдзеныя праблемы. Ім таксама будзе даступная актуальная дакументацыя Apple, што дазволіць выкарыстоўваць апошнія API і прытрымлівацца рэкамендаваных практык.
У кампаніі паведамілі, што працавалі сумесна з OpenAI і Anthropic над аптымізацыяй выкарыстання токенаў і механізмаў tool calling, каб павысіць эфектыўнасць працы агентаў. Xcode таксама падтрымлівае Model Context Protocol (MCP) — адкрыты стандарт, які дае магчымасць падключаць староннія ШІ-інструменты.
Для працы з агентамі распрацоўшчыкам трэба загрузіць абраную мадэль у наладах Xcode і падключыць акаўнт правайдэра або API-ключ. Пасля гэтага можна даваць каманды на натуральнай мове, напрыклад, папрасіць дадаць новую функцыю або змяніць інтэрфейс аплікацыі. У аплікацыі таксама даступны выбар версіі мадэлі, уключаючы GPT-5.2-Codex.
Падчас выканання задач агент разбівае працэс на этапы і візуальна паказвае змены ў кодзе. Журнал праекта дазваляе адсочваць дзеянні сістэмы, што, па ацэнцы Apple, можа спрасціць навучанне пачынаючых распрацоўшчыкаў.
Пасля завяршэння працы агент правярае створаны код і пры неабходнасці працягвае дапрацоўку. Пры гэтым распрацоўшчыкі могуць адкаціць змены: Xcode аўтаматычна стварае кантрольныя пункты пасля кожнага ўмяшання ШІ. Release Candidate ужо даступны ўдзельнікам Apple Developer Program, а публічны рэліз у App Store чакаецца пазней.
Релоцировались? Теперь вы можете комментировать без верификации аккаунта.