Apple стварыла аналаг ChatGPT — аплікацыя называецца Veritas («ісціна» на лаціне) і павінна дапамагчы ў падрыхтоўцы да рэлізу апгрэйда Siri ў 2026 годзе. Пра гэта паведамляе журналіст Bloomberg Марк Гурман.
Apple стварыла аналаг ChatGPT — аплікацыя называецца Veritas («ісціна» на лаціне) і павінна дапамагчы ў падрыхтоўцы да рэлізу апгрэйда Siri ў 2026 годзе. Пра гэта паведамляе журналіст Bloomberg Марк Гурман.
Аплікацыя ўяўляе сабой чат-бот. Зараз яго выкарыстоўвае ШІ-падраздзяленне кампаніі для хуткага тэставання новых функцый галасавога асістэнта, такіх як пошук па асабістых і рабочых дадзеных, напрыклад музыцы і емэйлах, і выкананне дзеянняў унутры іншых аплікацый, напрыклад апрацоўкі фота. Таксама пры дапамозе яго кампанія спрабуе ацаніць карыснасць фармату чат-ботаў.
З Veritas можна весці працяглыя дыялогі на розныя тэмы. Аплікацыя захоўвае гісторыю перапіскі і ўмее аднаўляць перарваныя зносіны. Яго галоўнае прызначэнне — тэставанне платформы Linwood, якая павінна легчы ў аснову абноўленага Siri. Яна пабудавана на базе вялікіх моўных мадэляў — уласнай распрацоўкі Apple і старонніх. Па плане кампаніі, аплікацыя павінна дазволіць ёй канкураваць з ChatGPT і Perplexity, але ў межах інтэрфейсу Siri.
Абноўлены Siri павінен выйсці ў наступным сакавіку, і яго поспех можа дазволіць Apple адыграць страчаныя пазіцыі ў гонцы ШІ. У выпадку правалу яна можа яшчэ мацней адстаць ад канкурэнтаў. Адкрываць доступ да гэтай аплікацыі для шырокай аўдыторыі Apple не плануе, прынамсі пакуль.
Релоцировались? Теперь вы можете комментировать без верификации аккаунта.