Николай Чикишев 8 студзеня 2024, 14:40

Apple моцна адстае ў АІ-гонцы і можа нагнаць упушчанае толькі ў 2025 годзе

На думку журналіста Bloomberg Марка Гурмана, кампанія моцна адстае ад канкурэнтаў у распрацоўцы АІ на фоне пастаяннага зніжэння выручкі.

Пакінуць каментарый

Apple моцна адстае ў АІ-гонцы і можа нагнаць упушчанае толькі ў 2025 годзе

На думку журналіста Bloomberg Марка Гурмана, кампанія моцна адстае ад канкурэнтаў у распрацоўцы АІ на фоне пастаяннага зніжэння выручкі.

Гурман лічыць, што істотнай праблемай для кампаніі стала сур’ёзнае адставанне ва ўкараненні генератыўнага штучнага інтэлекту. Толькі ў чэрвені кампанія можа паказаць АІ-інструменты ў складзе iOS 18, то-бок амаль праз два гады пасля з’яўлення папулярнага ChatGPT і праз паўтара года пасля выхаду профільных сэрвісаў Microsoft і Google.

Наперадзе апынулася і Samsung, паказаўшы ў гэтым квартале сямейства Galaxy S24. Праз сур’ёзнае адставанне Apple зможа разгарнуць АІ-інструменты ў поўным маштабе толькі не раней за 2025 год, лічыць журналіст.

Цяпер Apple разлічвае на ўмеранае павелічэнне выручкі ад рэалізацыі iPhone і лепшыя продажу ў сегменце Mac. Самай яркай навінкай гэтага года мае стаць MacBook Air на аснове працэсараў M3. Таксама вытворца плануе ажывіць попыт на iPad, але абноўленая версія Pro не стане масавай праз сваю дарагоўлю.

Для кампаніі актуальнейшай застаецца праблема антыманапольных расследаванняў. У сакавіку Apple будзе вымушаная адкрыць для іншых распрацоўшчыкаў магчымасць усталёўкі праграм на сваіх прыладах у ЕС, а таксама забяспечыць доступ правайдарам іншых плацежных сэрвісаў да сваёй экасістэмы.