Apple выдаліла праграму Навальнага на патрабаванне Раскамнагляду
Apple выдаліла з AppStore праграму на аснове генератара выпадковых лікаў «Фатон-2024», распрацаваную камандай Аляксея Навальнага для галасавання на выбарах прэзідэнта ў Расіі. Як заявіў дырэктар «Фонду барацьбы з карупцыяй» (ФБК) Іван Жданаў, гэта было зроблена на патрабаванне мясцовых уладаў.
Ідэю праграмы «Фатон-2024» прапанаваў Аляксей Навальны. У публікацыі, якая выйшла ўжо пасля яго смерці, палітык заклікаў грамадзян Расіі галасаваць на выбарах з дапамогай квантавай фізікі.
«У залежнасці ад вашай карціны свету можаце лічыць, што выбар за вас зрабіў Бог, Прырода, Хаос, Космас, выпадковасць або Маці-маржыха», — пісаў Навальны. «Фатон-2024» выпадковым чынам выбіраў кандыдата на прэзідэнцкіх выбарах — любога з трох апанентаў Уладзіміра Пуціна. Таксама быў даступны чацвёрты варыянт — «зрабіць бюлетэнь несапраўдным».
Прэзідэнцкія выбары ў Расіі праходзілі ад 15 да 17 сакавіка. Паводле афіцыйных звестак, за Пуціна было аддадзена больш за 87% галасоў.
У 2021 годзе Apple і Google выдалілі праграму «Навальны» ў расійскіх сегментах сваіх стораў. Таксама бот «Разумнага галасавання» блакаваў Telegram.
Читать на dev.by