Apple выпусціла абнаўленне iOS, якое ліквідуе перагрэў iPhone 15

Apple выпусціла абнаўленне 17.0.3, яно даступнае ў наладах iPhone. У заўвагах гаворыцца, што яно ўтрымлівае «важныя абнаўленні сістэмы бяспекі і выпраўленні памылак», у тым ліку кампанія выправіла «прычыну, праз якую iPhone мог награвацца мацней за чаканае».

Раней Financial Times паведаміла, што пакупнікі сутыкаюцца з перагрэвам новых iPhone. Выданне знайшло на форуме супольнасці Apple больш за 2 тысячы скаргаў. Некаторыя з іх паведамлялі, што гаджат немагчыма трымаць у руках. Перагрэў узнікаў падчас выкарыстання чужых праграм.