Apple забараніла беларускім і расійскім распрацоўшчыкам рэкламу ў App Store

У беларускіх і расійскіх распрацоўшчыкаў перастаў працаваць сэрвіс Apple Search Ads (ASA). У электронным лісце кампанія апавясціла ўладальнікаў акаўнтаў, што для іх заблакаваныя ўсе рэкламныя інструменты і кампаніі. Рэклама праз ASA паказваецца ў пошукавым раздзеле і над вынікамі выдачы пошуку па краме.

Пры гэтым Apple спаслалася на 13-ы пункт умоў абслугоўвання ASA, у якім агавораныя ўмовы спынення дзеяння дакумента. Верагодна, прычынай адмовы з’яўляецца рэгістрацыя акаўнтаў у Беларусі або Расіі. Да гэтага часу незразумела, якім чынам Apple будзе ажыццяўляць выплаты ад продажу праграм распрацоўшчыкам.