Арменія плануе дазволіць замежнікам не атрымліваць ДНЖ для аддаленай працы

Адпаведны законапраект унесены ў парламент. Дакумент прапануе замацаваць асновы працоўных адносін — пісьмовую згоду абодвух бакоў, час аддаленай працы і іншыя дэталі. Цяперашняе заканадаўства рэгулюе аддаленую працу толькі ў надзвычайнай сітуацыі, якая, напрыклад, была падчас пандэміі каранавіруса.

Таксама ў законапраекце прапануецца не патрабаваць афармлення ДНЖ з замежных грамадзян, якія працуюць у краіне аддалена. Паводле слоў намесніка міністра працы і сацыяльных пытанняў Рубена Саркісяна, урад разглядае такі гібрыдны фармат супрацоўніцтва, паколькі ён «пазітыўна адбіваецца на прадукцыйнасці».