Аддзел навін 30 жніўня 2024, 10:27

Аўдыторыя ChatGPT пераваліла за 200 млн штотыднёвых карыстальнікаў — x2 за год

Колькасць штотыднёвых актыўных карыстальнікаў ChatGPT перавысіла 200 млн чалавек — гэта ўдвая больш, чым год таму.

Паводле слоў OpenAI, яе прадуктамі карыстаецца 92% кампаній са спіса Fortune 500. А аўдыторыя яе аўтаматызаваных API падвоілася ад моманту рэлізу моўнай мадэлі GPT-4o mini ў ліпені.

ChatGPT лідзіруе на рынку чат-ботаў на базе АІ, але канкурэнцыя ў гэтай сферы расце, бо іншыя буйныя тэхналагічныя кампаніі, уключаючы Microsoft, Google і Meta, часта абнаўляюць свае прадукты, каб займець усё большую долю на рынку. Раней Meta расказала пра аб рэзкі рост папулярнасці яе адкрытых мадэляў Llama. Ад мая да ліпеня аб’ём іх выкарыстання ў найбуйнейшых воблачных правайдараў падвоіўся пасля рэлізу Llama 3.1.