Николай Чикишев 8 сакавіка 2023, 11:26

Аўтар дакументалкі пра Стыва Джобса здыме фільм пра Ілана Маска

Фільм здыме рэжысёр Алекс Гібні, які раней выпусціў карціну «Стыў Джобс: чалавек у машыне».

Працоўная назва новага фільма — «Маск». Паводле слоў Гібні, праца над карцінай ідзе ўжо колькі месяцаў. Рэжысёр заявіў, што гэта будзе фільм, у якім «падрабязна і без прыхарошвання» пакажуць асобу і дзейнасць Ілана Маска. Пакуль невядома, пра што менавіта будзе стужка — пра біяграфію бізнэсоўца або яго поспехі і няўдачы. Дата выхаду таксама не вызначаная.

Раней Гібні зняў гісторыі пра банкруцтва Enron, фільм пра Міхаіла Хадаркоўскага, дакументалку пра Pornhub для Netflix ды іншыя праекты. Таксама пра Маска ўжо выходзілі фільм «Ілан Маск: сапраўдны жалезны чалавек» 2018 года і карціна пра праблемы з аўтапілотам Tesla ў 2022 годзе.