Ізраільскі распрацоўшчык і выдавец мабільных гульняў Playtika атрымаў вышэйшую інвестыцыйную ацэнку. Рэйтынг кампаніі паднялі з нездавальняючага (underperform) да сярэдняга (neutral), на што станоўча адрэагаваў фондавы рынак.
Ізраільскі распрацоўшчык і выдавец мабільных гульняў Playtika атрымаў вышэйшую інвестыцыйную ацэнку. Рэйтынг кампаніі паднялі з нездавальняючага (underperform) да сярэдняга (neutral), на што станоўча адрэагаваў фондавы рынак.
Як адзначае app2top, апошнія гады справы ў Playtika ішлі не надта. Толькі летась яна скараціла некалькі офісаў, закрыла фінскую студыю Seriously, звольніла 610 чалавек і ўжо сёлета выпусціла ўгоду з распрацоўшчыкамі Angry Birds з Rovio. Магчыма, скарачэнні і бізнэс-няўдачы аналітыкі Банка Амерыкі палічылі аздараўленнем Playtika, якая пасля выхаду на біржу ў 2021 годзе моцна страціла ў цане.
Аналітыкі ж тлумачаць сваё рашэнне пераацэнкай агульнай сітуацыі на рынку. Паводле іх слоў, рэцэсія на рынку мабільных гульняў будзе доўжыцца менш, ніж чакалася. Па выніку гэтага года выручка з мікраплацяжоў у мабільных гульнях упадзе не на 6%, як прагназавалася, а на 1%.
Рынак станоўча адрэагаваў на афіцыйную пазіцыю Банка Амерыкі: акцыі Playtika падаражэлі на 9% і цяпер таргуюцца за $12,6. На момант IPO кампаніі за кожную яе акцыю давалі $27.
Рэлацыраваліся? Цяпер вы можаце каментаваць без верыфікацыі акаўнта.