Playtika не будзе запускаць новых гульняў, пакуль гэта не стане рэнтабельна. Замест гэтага кампанія засяродзіць далейшыя інвестыцыі на «студыях з высокім патэнцыялам росту». Прыкладам, у лістападзе Playtika ўклала $25 млн у турэцкага распрацоўшчыка мабільных гульняў Ace Games.
Playtika не будзе запускаць новых гульняў, пакуль гэта не стане рэнтабельна. Замест гэтага кампанія засяродзіць далейшыя інвестыцыі на «студыях з высокім патэнцыялам росту». Прыкладам, у лістападзе Playtika ўклала $25 млн у турэцкага распрацоўшчыка мабільных гульняў Ace Games.
Як растлумачыў падчас фінансавай справаздачы за 4 квартал 2022 года прэзідэнт і фіндырэктар Playtika Крэйг Абрамс, над новымі гульнямі па-ранейшаму думае нямецкая студыя Wooga, якая належыць Playtika. Але сама кампанія ў агляднай будучыні выпускаць новых тайтлаў не будзе.
Паводле яго слоў, навінкі кампаніі падабаюцца карыстальнікам і маюць высокія паказчыкі ўтрымання, аднак праз складаную сітуацыю на рынку і рост CPI (цаны за ўсталяванне) новых гульняў прасоўваць іх з выгадай робіцца для кампаніі занадта складана. Зыходзячы з гэтага, было вырашана прыпыніць распрацоўку новых гульняў да таго моманту, пакуль гэта не стане «эканамічна апраўдана».
Выручка Playtika за 2022 год склала $2,6 млрд — +1,3% год да года. Чысты прыбытак упаў на 10,8% да $275,3 млн.
Рэлацыраваліся? Цяпер вы можаце каментаваць без верыфікацыі акаўнта.