Беларусь падоўжыла бязвіз для еўрапейцаў да канца 2025 года

У ведамстве заявілі, што такое рашэнне было прынятае «ўлічваючы папулярнасць беларускага „бязвізу“ сярод замежнікаў». 

Замежнікі па-ранейшаму змогуць прыязджаць у Беларусь без візы да 31 снежня 2025 года ўключна.

Паводле звестак Дзяржпагранкамітэта, ад пачатку дзеяння бязвізавага рэжыму, ад 2022 года, Беларусь наведала больш за 1 мільён грамадзян краін Еўропы. 

Першапачаткова бязвіз дзейнічаў толькі для грамадзян Польшчы, Літвы і Латвіі. У ліпені гэтага года бязвізавы ўезд у Беларусь увялі для грамадзян яшчэ 35 еўрапейскіх краін.