Беларусь займае 2 месца пасля Расіі ў спісе краін СНД, якія часцей за іншыя падвяргаюцца кібератакам. Часцей за ўсё за атакамі стаяць кібершпіёны, хактывісты і фінансавыя аферысты. Аб гэтым піша kv.by са спасылкай на даследаванне кампаніі Positive Technoligies, якім яна падзялілася на прафільнай канферэнцыі Positive SOCcon 2.5 у Мінску.
Беларусь займае 2 месца пасля Расіі ў спісе краін СНД, якія часцей за іншыя падвяргаюцца кібератакам. Часцей за ўсё за атакамі стаяць кібершпіёны, хактывісты і фінансавыя аферысты. Аб гэтым піша kv.by са спасылкай на даследаванне кампаніі Positive Technoligies, якім яна падзялілася на прафільнай канферэнцыі Positive SOCcon 2.5 у Мінску.
У другой палове 2024 года і першых трох кварталах цяперашняга на беларускія арганізацыі прыйшлося 9% усіх паспяховых кібератак у рэгіёне — супраць 72% і 7%, якія прыйшліся адпаведна на Расію і Казахстан.
Самая высокая доля атак у Беларусі — на дзяржустановы (18%), прамысловасць (14%) і фінансавую галіну (11%). 62% паспяховых кібератак на беларускія арганізацыі заканчваліся ўцечкай канфідэнцыйнай інфармацыі, якая потым прадаецца ў дарквебе.
Рост атак можа быць звязаны з цікавасцю да арганізацый, якія працуюць з замежнымі партнёрамі. «Беларусь выступае важным звяном у інфраструктуры саюзніцкіх сувязяў, а значыць — крыніцай цікавай інфармацыі для знешніх кібершпіёнскіх структур. Злоўмыснікаў могуць цікавіць як дакументы і перапіска, якія тычацца ўзаемадзеяння з расійскімі ведамствамі, так і дадзеныя аб лагістыцы, санкцыйнай палітыцы і ўнутранай стабільнасці», — адзначаюць эксперты.
Амаль чвэрць паспяховых атак на арганізацыі прыходзіцца на хактывісцкія групоўкі. Яны звычайна накіраваны на шыфраванне ці знішчэнне дадзеных, таксама здараюцца атакі з заменай кантэнту.
Беларусь уяўляе цікавасць і для кіберзлачынцаў, нацэленых на фінансавую выгаду. Так, банкаўская сфера, лагістыка, тэлеком і дзяржсектар звычайна падвяргаюцца фішынгавым атакам, укараненню шкоднаснага ПЗ і шантажу шыфравальнікамі. Злоўмыснікі часта дзейнічаюць з-за мяжы, таму іх складана прыцягнуць да адказнасці.
Доля паспяховых атак з эксплуатацыяй уразлівасцяў супраць беларускіх арганізацый вырасла з 34% да 48%. Прычына ў выкарыстанні састарэлых ІТ-сістэм, недастатковай абароне і дэфіцыце спецыялістаў па бяспецы. Доля паспяховых кібератак з выкарыстаннем сацыяльнай інжынерыі захавалася на ўзроўні 67%. Доля атак з прымяненнем шкоднаснага ПЗ знізілася з 77% да 62%.
Релоцировались? Теперь вы можете комментировать без верификации аккаунта.