Беларусы змогуць атрымліваць дзяржаўныя апавяшчэнні праз мабільныя праграмы банкаў. Пра гэта піша агенцтва «Мінск-Навіны» са словаў начальніка ўпраўлення інфармацыйных тэхналогій Нацыянальнага цэнтра электронных паслуг Ягора Воранава.
Беларусы змогуць атрымліваць дзяржаўныя апавяшчэнні праз мабільныя праграмы банкаў. Пра гэта піша агенцтва «Мінск-Навіны» са словаў начальніка ўпраўлення інфармацыйных тэхналогій Нацыянальнага цэнтра электронных паслуг Ягора Воранава.
Для гэтага НЦЭП развівае падсістэму «Е-Вестка», якую інтэгруюць з банкаўскімі інфармацыйнымі сістэмамі. Яна дазволіць атрымліваць апавяшчэнні пра розныя падзеі — напрыклад, пра штрафы за парушэнні ПДР, неабходнасці замяніць пасведчанне кіроўцы, заканчэнні тэрміну дзеяння дакументаў, якія пацвярджаюць асобу, або пра маёмасны падатак.
«Мы выходзім за межы Адзінага партала электронных паслуг ды інтэгруем «Е-Вестку» з дзяржаўнымі інфармацыйнымі рэсурсамі. Цяпер разам з банкаўскай супольнасцю пад эгідай Нацыянальнага банка Беларусі працуем над інтэграцыяй сервісу з банкаўскімі сістэмамі і мабільнымі праграмамі грамадзян», — адзначыў Воранаў.
Гэта дазволіць выкарыстоўваць звычайныя для людзей лічбавыя каналы для атрымання важнай інфармацыі. Ім не трэба будзе ўручную заходзіць у розныя асабістыя кабінеты, каб праверыць наяўнасць апавяшчэнняў.
Пуш-апавяшчэннем асобе паведамяць пра тое, што ў яго ёсць апавяшчэнне ў «Е-Вестцы». Калі ў яго няма асабістага кабінета, яго можна будзе актываваць праз банкаўскую мабільную праграму. Там можна будзе паглядзець увесь спіс апавяшчэнняў і адразу перайсці да аплаты, растлумачыў Воранаў.
Релоцировались? Теперь вы можете комментировать без верификации аккаунта.