У Беларусі ідзе праца над стварэннем банка даных і магчымасцю аказваць дзяржпаслугі праз мабільныя дадаткі банкаў. Пра гэта казаў намеснік старшыні праўлення Нацбанка Аляксандр Ягораў на канферэнцыі «Лічбавы банкінг — 2026» на мінулым тыдні.
У Беларусі ідзе праца над стварэннем банка даных і магчымасцю аказваць дзяржпаслугі праз мабільныя дадаткі банкаў. Пра гэта казаў намеснік старшыні праўлення Нацбанка Аляксандр Ягораў на канферэнцыі «Лічбавы банкінг — 2026» на мінулым тыдні.
Паводле яго, рэгулятар шчыльна супрацоўнічае з Нацыянальным цэнтрам электронных паслуг над тым, каб банкі маглі ў сваіх мабільных дадатках аказваць паслугі, звязаныя з рознымі дзяржаўнымі паслугамі і адміністрацыйнымі працэдурамі.
«Гэта, з нашага пункту гледжання, з аднаго боку, дазволіць значна павялічыць лічбавізацыю гэтага напрамку ў нас у краіне, а з другога боку, дасць магчымасць банкам за кошт прадастаўлення гэтых сервісаў прыцягнуць нейкіх новых кліентаў, ну і ў тым ліку павялічыць прадуктовую нагрузку на кліентаў праз ужо дзеючыя мабільныя дадаткі», — адзначыў Ягораў.
Важным напрамкам развіцця, паводле яго, становіцца біяметрыя. «Абмяркоўваецца пытанне стварэння нацыянальнага банка біяметрычных звестак для таго, каб гэта была эталонная сістэма для атрымання розных паслуг як у фінансавым сектары, так і не ў фінансавым сектары, паколькі найбольш абаронены спосаб ідэнтыфікацыі кліента — гэта менавіта выкарыстанне біяметрыі», — расказаў Ягораў.
Ён дадаў, што ў межах АРІП Нацбанк працуе над укараненнем новай сістэмы, якая палепшыць якасць збору дадзеных і аналізу даных пры анлайн-крэдытаванні. Сістэму будуць па дамовах прадастаўляць камерцыйным банкам, якія не гатовыя інвеставаць у біяметрычныя тэхналогіі, каб прадастаўляць розныя сэрвісы — напрыклад, аплату па біяметрыі ў арганізацыях гандлю і сервісу.
Релоцировались? Теперь вы можете комментировать без верификации аккаунта.