Міжнародная ІТ-кампанія звярнулася ў мінскую міліцыю пасля таго, як страціла доступ да карпаратыўных акаўнтаў у сацсетках. Да гэтага аказалася датычнай былая супрацоўніца, якая адказвала за адміністраванне сацсетак і рэкламных кабінетаў кампаніі.
Міжнародная ІТ-кампанія звярнулася ў мінскую міліцыю пасля таго, як страціла доступ да карпаратыўных акаўнтаў у сацсетках. Да гэтага аказалася датычнай былая супрацоўніца, якая адказвала за адміністраванне сацсетак і рэкламных кабінетаў кампаніі.
33-гадовую жыхарку Мінскай вобласці не задаволіў разлік пры звальненні, і яна паспрабавала «самастойна аднавіць справядлівасць». Пасля сыходу яна змяніла ўсе паролі, выдаліла ўсіх карыстальнікаў, якія маглі ўваходзіць у акаўнты, і зачыніла ўсе рэкламныя кабінеты. З-за гэтага праца фірмы была часткова паралізавана. Шкода склала каля 6 тысяч рублёў.
У дачыненні да жанчыны была заведзена крымінальная справа за блакаванне і мадыфікацыю камп’ютарнай інфармацыі. У МУС нагадалі пра адказнасць за такія дзеянні, а працадаўцам параілі мяняць паролі і ключы доступу пасля звальнення кожнага супрацоўніка, які меў да іх доступ.
Рэлацыраваліся? Цяпер вы можаце каментаваць без верыфікацыі акаўнта.