Алеся Чапкевич bel 2 лютага 2026, 11:49

Беларусы больш не могуць аформіць канадскую візу ў Расіі. Можна паспрабаваць у Варшаве

З 29 студзеня канадскія візавыя цэнтры ў Расіі спынілі прымаць дакументы ад грамадзян. Апдэйт з’явіўся на сайце ўрада Канады.

Пакінуць каментарый

Беларусы больш не могуць аформіць канадскую візу ў Расіі. Можна паспрабаваць у Варшаве

З 29 студзеня канадскія візавыя цэнтры ў Расіі спынілі прымаць дакументы ад грамадзян. Апдэйт з’явіўся на сайце ўрада Канады.

Раней канадскія візы можна было атрымаць у шасці гарадах Расіі: у Маскве, Новасібірску, Растове-на-Доне, Санкт-Пецярбургу, Уладзівастоку і Екацярынбургу.

Цяпер пры пошуку візавага цэнтра ў Расіі побач з гэтымі гарадамі стаіць пазнака, што там больш не прымаюць пашпарты і іншыя дакументы. І просяць выбраць візавы цэнтр дзе-небудзь яшчэ. У Беларусі візавых цэнтраў Канады няма.

Акрамя Расіі, для тых, у каго ёсць шэнгенская віза, даступны варыянт падацца ў Варшаве. Таксама ў Канады дзейнічаюць візавыя цэнтры, напрыклад, у Турцыі, Грузіі і Казахстане.