Урад прыняў пастанову № 108, якая сярод іншага тычыцца білінгу сотавымі аператарамі і ўводзіць ліміт запазычанасці на балансе абанента. Пра гэта піша БелТА са спасылкай на міністра сувязі і інфарматызацыі Кірыла Залескага.
Урад прыняў пастанову № 108, якая сярод іншага тычыцца білінгу сотавымі аператарамі і ўводзіць ліміт запазычанасці на балансе абанента. Пра гэта піша БелТА са спасылкай на міністра сувязі і інфарматызацыі Кірыла Залескага.
«Па змаўчанні ён складае 5 базавых велічынь, гэта значыць мінус на рахунку мабільнага тэлефона не можа перавысіць 225 бел. руб., калі абанент самастойна не звярнуўся да аператара для ўстаноўкі іншага ліміту — як большага, так і меншага», — адзначыў Залескі.
Па яго словах, часам людзі ўключаюць тэлефон у роўмінгу за мяжой па недаглядзе ці няведанні і за некалькі секунд атрымліваюць велізарную запазычанасць. Рэкордныя сумы дасягалі 4300-4500 рублёў, і абанентам даводзілася даказваць, што гэта выпадковасць або тэхнічная памылка, распавёў міністр. Ліміт выключыць такія сітуацыі. Калі такі парог нязручны, абанент можа звярнуцца ў офіс аператара і напісаць заяву, каб змяніць яго.
Аператары не маюць права фарміраваць запазычанасць ніжэй -225 рублёў і патрабаваць ад абанента грошы звыш гэтай сумы. Далейшыя дзеянні, напрыклад своечасовае апавяшчэнне, адключэнне паслуг ці рассылка SMS, застаюцца на меркаванне аператара.
Яшчэ адно абмежаванне датычыцца дадатковых паслуг: яны могуць быць актываваны, толькі калі абанент сам увёў SMS- ці USSD-запыт. «Раней былі выпадкі, калі карыстальнік, завяршыўшы размову, выпадкова націскаў на ўсплываючую рэкламную спасылку, не чытаючы яе, і аўтаматычна падпісваўся на гараскопы, анекдоты ці прагноз надвор’я», — заўважыў міністр. Цяпер такая падпіска магчыма толькі па ініцыятыве абанента, калі той рукамі ўвядзе адпаведны запыт.
Рэлацыраваліся? Цяпер вы можаце каментаваць без верыфікацыі акаўнта.