Беларускія мабільныя аператары пачалі надаваць бясплатныя хвіліны і інтэрнэт кліентам, якія засталіся ў краінах Блізкага Усходу. Пра такую опцыю паведамілі A1, Life і МТС, заўважыў Office Life.
Беларускія мабільныя аператары пачалі надаваць бясплатныя хвіліны і інтэрнэт кліентам, якія засталіся ў краінах Блізкага Усходу. Пра такую опцыю паведамілі A1, Life і МТС, заўважыў Office Life.
МТС абнуліў кошт званкоў для абанентаў, якія знаходзяцца ў Аб’яднаных Арабскіх Эміратах. Ім даступныя бясплатныя ўваходныя і выходныя выклікі ўнутры краіны і ў Беларусь.
Нулявы кошт будзе дзейнічаць па 15 сакавіка. Для тых, хто з 28 лютага карыстаўся галасавой сувяззю, кампанія зробіць пералік.
А1 прадаставіў сваім абанентам бясплатны роўмінг-пакет мабільнага інтэрнэту ў ААЭ, Бахрэйне, Ізраілі, Іране, Саудаўскай Аравіі, Катары і Амане.
Кліентам, якія выкарыстоўвалі паслугі сувязі ў роўмінгу ў гэтых краінах з 27 лютага па 2 сакавіка і не падключылі роўмінг пакеты, А1 аўтаматычна прадастаўляе бясплатны пакет мабільнага інтэрнэту «Роўмінг 1,5 ГБ» тэрмінам на 7 дзён. Аб гэтым паведамляюць праз СМС.
Life абанентам у краінах Блізкага Усходу, дзе абмежаваны авіязносіны, налічвае бонусны інтэрнэт і хвіліны для падтрымання кантакту з блізкімі і службамі дапамогі. Бясплатна налічваюць 2 ГБ і 20 хвілін на званкі па краіне знаходжання і ў Беларусь на 3 дні.
Рэлацыраваліся? Цяпер вы можаце каментаваць без верыфікацыі акаўнта.