Беларуская інды-студыя TSG Games працуе над сваім першым праектам — псіхалагічнай прыгодніцкай гульнёй Echoes of the Mind. Гульня ўжо ёсць у Steam, дата рэлізу пакуль не абвешчаная.
Беларуская інды-студыя TSG Games працуе над сваім першым праектам — псіхалагічнай прыгодніцкай гульнёй Echoes of the Mind. Гульня ўжо ёсць у Steam, дата рэлізу пакуль не абвешчаная.
Першыя кадры гульні можна ўбачыць у кліпе дуэта Baisan & Frantisz на песню «Čorny śnieh». Гэта загалоўны трэк іхнага новага альбома, відэа цалкам сабранае з гульнявых сцэн.
«Моцнае ўзрушэнне і няправільны выбар могуць зламаць чалавека. Але нават калі здаецца, што выйсця няма, можна знайсці ў сабе сілы выбрацца і пачаць усё нанова. Вярнуць сябе сабе. Наш герой прыходзіць у сябе ў шпіталі пасля цяжкага жыццёвага крызісу. Кожную ноч ён паглыбляецца ў свет уласных сноў, страхаў і ўспамінаў. Кожны сон — новае выпрабаванне і новы гульнявы жанр: ад клікера і платформера да наратыўнай прыгоды. Гэта гісторыя пра тое, як можна страціць сябе, сустрэцца тварам да твару са сваімі страхамі і паспрабаваць знайсці шлях назад», — расказваюць стваральнікі гульні.
У гульні будзе беларуская мова — гэта аўтары абяцаюць на старонцы праекта ў Steam.
Вы можаце дадаць гульню ў вішліст і падтрымаць студыю «Так Сабе Games» данатам.
Релоцировались? Теперь вы можете комментировать без верификации аккаунта.