Алеся Чапкевич bel 30 кастрычніка 2026, 18:14

Беларусы стварылі аплікацыю для праверкі радзімак з фота

Беларускія студэнты стварылі прыкладанне «Радзімка», якое дазваляе па фатаграфіі ацаніць скурныя новаўтварэнні, паведамляе БЕЛТА.

1 каментарый

Дадай у Google

Беларусы стварылі аплікацыю для праверкі радзімак з фота

Беларускія студэнты стварылі прыкладанне «Радзімка», якое дазваляе па фатаграфіі ацаніць скурныя новаўтварэнні, паведамляе БЕЛТА.

Прыкладанне зрабілі студэнты факультэта матэматыкі ды інфармацыйных тэхналогій ВДУ Аляксандр Рудзянкоў і Ігар Арэх, а таксама студэнт ВДМУ Аляксей Астроўскі. Ідэя прыкладання, якое дазволіла б сачыць за дынамікай скурных утварэнняў, узнікла ў Аляксандра. Беларускіх аналагаў у Play Market і App Store студэнты не знайшлі і вырашылі стварыць першы айчынны прадукт.

Праца над праектам пачалася каля года таму. На працоўны прататып сышло каля двух месяцаў. Гэта тэлеграм-бот, які з дапамогай ШІ дапамагае праводзіць самастойны структураваны агляд скуры і звяртаць увагу на падазроныя змяненні.

Бот можна знайсці праз нік NevusGuard, далей — зайсці ў іконку прыкладання, сфатаграфаваць, напрыклад, радзімку, адправіць фатаграфію. Бот аўтаматычна сфармуе рэкамендацыі: спакойна назіраць або звярнуцца да доктара. Распрацоўшчыкі падкрэсліваюць, што прыкладанне не замяняе ўрача.

«Клопат пра здароўе пачынаецца з увагі да сябе. Мы захацелі зрабіць першы крок да агляду скуры больш даступным, таму што людзі часта адкладваюць пытанні здароўя ў доўгую скрыню», — адзначыў Рудзянкоў.

Праект быў прадстаўлены на конкурсе міжнароднага форуму AI Atom Global Expo 2026 у Мінску і перамог сярод 50 праектаў. Распрацоўшчыкі намераныя стварыць тэхналогію, якая будзе працаваць у рэальнай ахове здароўя: «Самая важная перамога для нас тая, якую аднойчы здабудзе пацыент над хваробай дзякуючы своечасоваму звароту да доктара», — дадаў Рудзянкоў.

«Радзімка» ўжо атрымала зваротную сувязь ад медычных спецыялістаў і некалькі актаў укаранення ва ўстановы аховы здароўя. Цяпер хлопцы чакаюць партнёраў ды інвестараў. Пакуль бот умее распазнаваць толькі сем скурных утварэнняў, у тым два ракавых, але класіфікацыю плануюць пашырыць.

«Калі гэта атрымаецца зрабіць, гэта будзе прыкладанне сусветнага маштабу — пры ўмове адпаведных значэнняў адчувальнасці, спецыфічнасці і дакладнасці», — растлумачыў Рудзянкоў.